ಅರಕಲಗೂಡು: ಒಕ್ಕಲಿಗರ ಸಂಘಕ್ಕೆ ಶೇ. ೮೩.೫೬ ಮತದಾನ

ಅರಕಲಗೂಡು:  ರಾಜ್ಯದ  ಒಕ್ಕಲಿಗರ ಸಂಘಕ್ಕೆ  ಭಾನುವಾರ ನಡೆದ ಚುನಾವಣೆ ಶಾಂತಿಯುತವಾಗಿದ್ದು  ಶೇ 83.56 ಮತದಾನವಾಯಿತು.

ಪಟ್ಟಣದ  ಬಾಲಕಿಯರ ಸರ್ಕಾರಿ ಪದವಿ  ಪೂರ್ವ ಕಾಲೇಜಿನಲ್ಲಿ ಮತದಾನಕ್ಕೆ  6 ಬೂತ್ ಗಳನ್ನು ತೆರೆಯಲಾಗಿತ್ತು.  ಒಟ್ಟು 2915 ಮತದಾರರು ಇದ್ದು 2436 ಮಂದಿ ಮತ ಚಲಾಯಿಸಿದರು.

ಇವರಲ್ಲಿ 1774 ಪುರುಷರು ಹಾಗೂ 662 ಮಂದಿ ಮಹಿಳೆಯರಿದ್ದರು ಎಂದು ಸಹಾಯಕ ಚುನಾವಣಾ ಅಧಿಕಾರಿ ಎಂ.ಆರ್. ಹರೀಶ್  ಸುದ್ದಿಗಾರರಿಗೆ  ಮಾಹಿತಿ ನೀಡಿದರು.