ಭಾರತದ ಕೀರ್ತಿ ಎತ್ತರಿಸಿದ‌ ಮೋದಿ ವಿಶ್ವದ ಮಹಾನ್ ನಾಯಕ: ಬಿಜೆಪಿ ಮುಖಂಡ ಎ. ಮಂಜು ಬಣ್ಣನೆ

ಅರಕಲಗೂಡು: ಜಾಗತಿಕ ಮಟ್ಟದಲ್ಲಿ ಭಾರತದ ಕೀರ್ತಿಯನ್ನು ಅತ್ಯುನ್ನತ ಸ್ಥಾನಕ್ಕೆ ಕೊಂಡೊಯ್ದ ಪ್ರಧಾನಿ ನರೇಂದ್ರ ಮೋದಿ ಅವರು ದೇಶ ಮಾತ್ರವಲ್ಲದೆ ವಿಶ್ವದ ಮಹಾನ್ ನಾಯಕರಾಗಿ ಹೊರಹೊಮ್ಮಿದ್ದಾರೆ ಎಂದು ಮಾಜಿ ಸಚಿವ ಎ. ಮಂಜು ಕೊಂಡಾಡಿದರು.

ಪಟ್ಟಣದ ಇಂದಿರಾ ಕ್ಯಾಂಟೀನ್ ಮುಂಭಾಗ ತಾಲೂಕು ಬಿಜೆಪಿ ಮಂಡಲದ ವತಿಯಿಂದ ಶುಕ್ರವಾರ ಆಯೋಜಿಸಿದ್ದ ನವ ಭಾರತ ಮೇಳ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಮಾತನಾಡಿದ ಅವರು, ಪ್ರಧಾನಿ ಮೋದಿ ಅವರು ದೇಶ ಕಂಡ ಅಪರೂಪದ ನಾಯಕ. ಅವರ ಜೀವಮಾನದ ಸಾಧನೆಗಳನ್ನು ಓದಿ ಅಳವಡಿಸಿಕೊಳ್ಳಬೇಕಿದೆ.

ಇದೊಂದು ವಿನೂತನ ಕಾರ್ಯಕ್ರಮವಾಗಿದ್ದು ಮೋದಿಯವರ ಬಾಲ್ಯದ ನೆನಪುಗಳು, ವಿದ್ಯಾಭ್ಯಾಸದ ದಿನಗಳು, ವಿದ್ಯಾರ್ಥಿ ಜೀವನದಿಂದ ಪ್ರಧಾನಿ ಹುದ್ದೆವರೆಗೆ ಬೆಳೆದು ಬಂದಿರುವ ಹಾದಿ ಕುರಿತು ಜನರಿಗೆ ತಿಳಿಸಲಾಗುತ್ತಿದೆ. ಕಾರ್ಯಕ್ರಮವಾಗಿದ್ದು, ಮೋದಿಯವರು ದೇಶದ ಪ್ರದಾನಿ ಮಾತ್ರ ಆಗದೆ ವಿಶ್ವದ ಮಹಾ ದೇಶವನ್ನು ಅಚ್ಚುಕಟ್ಟಾಗಿ ಮುನ್ನಡೆಸುತ್ತಿರುವ ಅವರಿಗೆ ನಾವೆಲ್ಲರೂ ಕೈಜೋಡಿಸೋಬೇಕಿದೆ ಎಂದರು.

ಮೋದಿಯವರ ಸರ್ಕಾರದ ಕಲ್ಪನೆಯಲ್ಲಿ ನವಭಾರತ ನಿರ್ಮಾಣದ ಗುರಿ ಹಾಗೂ ಅದರ ಹಾದಿಯಲ್ಲಿ ಸಾಗಿರುವ ಸರ್ಕಾರದ ಯೋಜನೆಗಳನ್ನು ಭಿತ್ತಿ ಚಿತ್ರಗಳ ಮೂಲಕ ವಸ್ತು ಪ್ರದರ್ಶನದ ಮಾದರಿಯಲ್ಲಿ ನಡೆಯುತ್ತಿರುವುದು ಶ್ಲಾಘನೀಯವಾಗಿದೆ. ಪ್ರಧಾನಿ ಜೀವನಗಾಥೆಯನ್ನು ಒಳಗೊಂಡು ಕೇಂದ್ರ ಸರ್ಕಾರದ ಯೋಜನೆಗಳನ್ನು ತೋರಿಸುವ ಕಾರ್ಯಕ್ರಮವಾಗಿದೆ ಎಂದು ತಿಳಿಸಿದರು.

ತಾಲೂಕು ಬಿಜೆಪಿ ಮಂಡಲ ಅಧ್ಯಕ್ಷ ಎಂ.ಆರ್. ಮಂಜುನಾಥ್, ಮುಖಂಡರಾದ ರಘು, ರವಿಕುಮಾರ್, ಮಧು, ಖಂಡೇಶ್ವರ್, ಕೊಡಕಳ್ಳಿ ಅಶೋಕ, ಚಂದು ಮುಂತಾದವರು ಇದ್ದರು.

ಕಾಲೇಜು ವಿದ್ಯಾರ್ಥಿಗಳನ್ನು ಕರೆಸಿ ಮೋದಿ ಜೀವನಗಾಥೆ ಕುರಿತು ಮಾಹಿತಿ ನೀಡಲಾಯಿತು.