ರೋಗಬಾಧಗೆ ಹಸುಗಳ ಮರಣ ಮೃದಂಗ; ದಿಕ್ಕು ತೋಚದಾದ ರೈತ, ನಿರ್ಲಕ್ಷ್ಯತೆಗೆ ಕಣ್ಮುಚಿತೇ ಇಲಾಖೆ

ಅರಕಲಗೂಡು: ತಾಲೂಕಿನಲ್ಲಿ ಹಸುಗಳ ಮರಣ ಮೃದಂಗ ಬಾರಿಸುತ್ತಿವೆ,  ಪಾರಸನಹಳ್ಳಿ ಗ್ರಾಮದಲ್ಲಿ ಕಾಲು ಬಾಯಿ ಜ್ವರಕ್ಕೆ ತುತ್ತಾಗಿದ್ದ ಗಬ್ಬದ ಹಸು ಬುಧವಾರ ಅಸುನೀಗಿದೆ.

ಗ್ರಾಮದ ಬಸವರಾಜು ಎಂಬುವರಿಗೆ ಸೇರಿದ 60 ಸಾವಿರ ಬೆಲೆ ಬಾಳುವ ಹಸು ರೋಗಕ್ಕೆ ಬಲಿಯಾಗಿದೆ. ಗರ್ಭ ಧರಿಸಿದ್ದ ಹಸುವಿಗೆ ಕಳೆದ ಒಂದು ವಾರದಿಂದ ಕಾಲು ಬಾಯಿ ಜ್ವರ ಕಾಣಿಸಿಕೊಂಡು ನರಳುತ್ತಿತ್ತು. ಕುಟುಂಬಕ್ಕೆ ಆಧಾರವಾಗಿದ್ದ ಹಸು ಕಳೆದುಕೊಳ್ಳಲಾಗಿದೆ ಎಂದು ಬಸವರಾಜು ಅಳಲು ತೋಡಿಕೊಂಡಿದ್ದಾರೆ.