ರಾಮನಾಥಪುರ: ಹೊಗೆಸೊಪ್ಪು ಹರಾಜಿಗೆ ಎ. ಮಂಜು ಚಾಲನೆ: 185 ರೂ ಮಾರಾಟ

ರಾಮನಾಥಪುರ: ಈ ಭಾಗದ ರೈತರು ಭಾರಿ ನಿರೀಕ್ಷೆಯಲ್ಲಿದ್ದ ಹೊಗೆಸೊಪ್ಪು ಹರಾಜು ಪ್ರಕ್ರಿಯೆ ಇಂದು ಆರಂಭಗೊಂಡಿದ್ದು ಟಾಪ್  ಬೆಲೆ 185 ರೂಪಾಯಿಗೆ ಮಾರಾಟವಾಯಿತು.

ತಂಬಾಕು ಮಾರುಕಟ್ಟೆಯ 63 ಮತ್ತು ೦೭ರಲ್ಲಿ ಹೊಗೆಸೊಪ್ಪು ಬೇಲ್ ಗಳಿಗೆ ಹರಾಜು ಅಧೀಕ್ಷಕರಾದ ಸಿದ್ದರಾಮ ಡಾಂಗೆ ಹಾಗೂ ಮಂಜುನಾಥ್ ಅವರು ಸಾಂಪ್ರದಾಯಿಕವಾಗಿ ಪೂಜೆ ಸಲ್ಲಿಸಿದ ನಂತರ ವರ್ತಕರು ಹರಾಜು ಪ್ರಕ್ರಿಯೆ ಮುಂದುವರಿಸಿದರು.

ಮೊದಲ ದಿನವಾದ ಕಾರಣ ಸೀಮಿತ ಸಂಖ್ಯೆಯಲ್ಲಿ ಬೇಲ್ ಗಳು ಬಂದಿದ್ದವು. 183, 184, 185 ರೂಪಾಯಿಗೆ ಗುಣಮಟ್ಟದ ಒಂದು ಕೆಜಿಯಂತೆ ದರ ದೊರಕಿತು.

ಆರಂಭದ ದಿನವಾದ ಕಾರಣ ಬೆಲೆ ತಿಳಿಯಲು ಅಪಾರ ರೈತರುವಕುತೂಹಲ ದಿಂದ ಇ ಹರಾಜು ಪ್ರಕ್ರಿಯೆ ವೀಕ್ಷಿಸಿದರು.

ಮಾಜಿ ಸಚಿವ ಎ. ಮಂಜು ಹರಾಜು ಪ್ರಕ್ರಿಯೆಯಲ್ಲಿ ಪಾಲ್ಗೊಂಡಿದ್ದು ಉತ್ತಮ ಬೆಲೆ ನೀಡಲು ಮನವಿ ಮಾಡಿದರು.

ಸಂಪಾದಕ ರವಿ