ಕಸಾಯಿ ಖಾನೆಗೆ ಸಾಗಿಸುತ್ತಿದ್ದ ಕರುಗಳನ್ನು ರಕ್ಷಿಸಿದ ಅರಕಲಗೂಡು ಪೊಲೀಸರು

ಅರಕಲಗೂಡು : ಕ್ಯಾಂಟರ್ ವಾಹನದಲ್ಲಿ ಅಕ್ರಮವಾಗಿ ಸಾಗಣೆ ಮಾಡುತ್ತಿದ್ದ ಕರುಗಳನ್ನು ಸೋಮವಾರ ತಡ ರಾತ್ರಿ  ಪೋಲಿಸರು  ವಶಪಡಿಸಿ ಕೊಂಡಿದ್ದಾರೆ.

 ಕರುಗಳ ಸಾಗಣೆ ಮಾಡುತ್ತಿರುವ ಖಚಿತ ಮಾಹಿತಿ ದೊರೆತ ಹಿನ್ನೆಲೆಯಲ್ಲಿ ಪಿಎಸ್ಐ ಮಾಲಾ ನೇತೃತ್ವದಲ್ಲಿ  ಪೊಲೀಸರು  ಕಾರ್ಯಾಚರಣೆಗೆ  ನಡೆಸಿ ಪಟ್ಟಣ ಸಮೀಪದ  ಅಂಕನಾಯಕನ ಹಳ್ಳಿ ಬಳಿ ವಾಹನವನ್ನು  ತಡೆದು ಪರೀಶಿಲಿಸಿದಾಗ  ಎರಡು ತಿಂಗಳಿಂದ   ಎರಡು ವರ್ಷ ವಯಸ್ಸಿನ 26 ಕರುಗಳನ್ನು ತುಂಬಿಕೊಂಡು ಕೋಲಾರ ಜಿಲ್ಲೆ ಮಾಲೂರಿಗೆ ಸಾಗಣೆ ಮಾಡಲಾಗುತ್ತಿತ್ತು ಎನ್ನಲಾಗಿದೆ.  

ವಾಹನ ಸಹಿತ ಕರುಗಳನ್ನು ವಶಪಡಿಸಿಕೊಂಡಿರುವ ಪೊಲೀಸರು ಪಶುವೈದ್ಯಾಧಿಕಾರಿಗಳಿಂದ  ಆರೋಗ್ಯ ತಪಾಸಣೆ ನಡೆಸಿ ಮೈಸೂರಿನ ಗೋಶಾಲೆಗೆ ಕಳಿಸಿಕೊಡಲಾಯಿತು. ಪ್ರಕರಣಕ್ಕೆ ಸಂಬಂಧಿಸಿದಂತೆ  ಸಕಲೇಶಪುರ ತಾಲ್ಲೂಕು ಹೆತ್ತೂರಿನ  ರವಿ ಮತ್ತು ಬೆಂಗಳೂರಿನ ರಾಘವೇಂದ್ರ  ಎಂಬುವವರನ್ನು ಬಂಧಿಸಲಾಗಿದೆ.

                           ಸಂಪಾದಕ - ರವಿ