ಶ್ರೀ ಶಿವಕುಮಾರ ಸ್ವಾಮೀಜಿಯವರ ಪುತ್ಥಳಿ ಸ್ಥಾಪನೆ ಸಂಬಂಧ ಸಮಿತಿ ಸಭೆ; ಶ್ರೀಗಳು ಪ್ರಮುಖರು ಭಾಗಿ

ಶನಿವಾರಸಂತೆ: ತ್ರಿವಿಧ ದಾಸೋಹಿ ಸಿದ್ದಗಂಗಾ ಮಠದ ಶ್ರೀ ಶಿವಕುಮಾರ ಸ್ವಾಮೀಜಿಯವರ ಪ್ರತಿಮೆ ನಿರ್ಮಾಣ ಸಮಿತಿಯ ಮೊದಲ ಸಭೆಯು ಗುಡುಗಳಲೆ ಜಾತ್ರಾ ಮೈದಾನದಲ್ಲಿರುವ ಬಸವೇಶ್ವರ ದೇವಸ್ಥಾನದಲ್ಲಿ ಜರುಗಿತು.

ಸಭೆಯ ಅಧ್ಯಕ್ಷತೆಯನ್ನು ಗೌರವಾಧ್ಯಕ್ಷರಾದ ಸದಾಶಿವ ಸ್ವಾಮೀಜಿಗಳು ಕಲ್ಲುಮಠ ಇವರು ವಹಿಸಿಕೊಂಡಿದ್ದರು. ಹೊಸ ಸಮಿತಿಗೆ ಅಧ್ಯಕ್ಷರಾಗಿ ನೇಮಕಗೊಂಡ ಎಂ.ಆರ್. ಮಂಜುನಾಥ್ ರವರಿಗೆ ಶುಭ ಕೋರಿದರು. ಗೌರವಾಧ್ಯಕ್ಷರು ಮಾತನಾಡಿ ನೂತನ ಸಮಿತಿಯು ಶ್ರೀಗಳ ಪ್ರತಿಮೆ ಸ್ಥಾಪನೆ ಸಂಬಂಧ ಕೂಗೊಳ್ಳಬೇಕಾದ ಕಾರ್ಯಗಳ ಬಗ್ಗೆ ರೂಪುರೇಷೆ ನೀಡಿದರು. 

ಸಮಿತಿಯ ಅಧ್ಯಕ್ಷರಾದ ಎಂ.ಆರ್. ಮಂಜುನಾಥ್ ರವರು ಮಾತನಾಡಿ ಸರ್ವರ ಸಲಹೆ ಹಾಗೂ ಸಹಕಾರದ ಮೂಲಕ ಶ್ರೀ ಶಿವಕುಮಾರ ಸ್ವಾಮೀಜಿಯವರ ಪುತ್ಥಳಿ ನಿರ್ಮಾಣ ಕಾರ್ಯ ಯಶಸ್ವಿಯಾಗಿ ಮಾಡಬಹುದು, ಮುಂದಿನ ಎರಡು ತಿಂಗಳ ಒಳಗೆ ಪುತ್ಥಳಿ ಕಾರ್ಯ ಸಂಪೂರ್ಣ ಕಾರ್ಯಗತಗೊಳಿಸುವ ಆಶ್ವಾಸನೆ ನೀಡಿದರು. 

ಸಭೆಯಲ್ಲಿ ಸಂಘಟನಾ ಕಾರ್ಯದರ್ಶಿಯಾದ ಮೂರ್ತಿ ಬೆಟ್ಟದಲ್ಲಿ, ಕಾರ್ಯದರ್ಶಿಗಳಾದ ಸಂದೀಪ್ ಹೆಬ್ಬುಲುಸೆ, ಧರ್ಮಪ್ಪ ಡಿ ಬಿ, ಮೋಕ್ಷಿಕ್ ಕೊಡ್ಲಿಪೇಟೆ, ಬೆಸೂರು ದೊಡ್ಮನೆ ಗಿರೀಶ್, ಹಾಗೂ ಕೆಸಿಪಿ ಮಂಜುನಾಥ್ ಸಮಿತಿಯ ಪದಾಧಿಕಾರಿಗಳು ಹಾಗೂ ಸುತ್ತಮುತ್ತಲಿನ ಗ್ರಾಮದ ಪ್ರಮುಖರು ಹಾಜರಿದ್ದರು.