ಜನಸೇವಕ ದಿವಾಕರ್ ಗೌಡರ ಹುಟ್ಟು ಹಬ್ಬದ ಸಡಗರ; ಶುಭ ಹಾರೈಕೆಯ ಮಹಾಪೂರ

ಅರಕಲಗೂಡು : ಪಟ್ಟಣದ ಗ್ರಾಮದೇವತೆ ಶ್ರೀ ದೊಡ್ಡಮ್ಮ ದೇವಸ್ಥಾನದಲ್ಲಿ ಸಮಾಜ ಸೇವಕ ಸಿ.ಡಿ. ದಿವಾಕರ್ ಗೌಡ ಅವರು ಅಭಿಮಾನಿಗಳು ಹಾಗೂ ಹಿತೈಷಿಗಳೊಂದಿಗೆ ಹುಟ್ಟ ಹಬ್ಬವನ್ನು ಸಂಭ್ರಮದಿಂದ ಆಚರಿಸಿದರು.

ದೇವಸ್ಥಾನದಲ್ಲಿ ವಿಶೇಷ ಪೂಜೆ ಸಲ್ಲಿಸಿ ದೇವತೆ ದರ್ಶನ ಪಡೆದು ಆಶೀರ್ವದ ಪಡೆದರು. ಅಪಾರ ಮಂದಿ ಶುಭ ಹಾರೈಸಿ, ಸಮಾಜ ಸೇವೆಗೆ ಕೊಡುಗೈ ದಾನಿಯಾದ ದಿವಾಕರ್ ಗೌಡರಿಗೆ ಕ್ಷೇತ್ರದಲ್ಲಿ ಮತ್ತಷ್ಟು ಜನಸೇವೆ ಮಾಡಲು ಅಧಿಕಾರ ಲಭಿಸಲಿ ಎಂದು ಪ್ರಾರ್ಥಿಸಿದರು.

ಬಳಿಕ ದೇವಸ್ಥಾನ ಸನ್ನಿಧಿ ಆವರಣದಲ್ಲಿ ಅಪಾರ ಅಭಿಮಾನಿಗಳು ಮತ್ತು ಹಿತೈಷಿ ಬೆಂಬಲಿಗರೊಂದಿಗೆ ದಿವಾಕರ್ ಗೌಡರಿಗೆ ಬೃಹತ್ ಗಾತ್ರದ ಹೂವಿನ ಹಾರ ಹಾಕಿ ಕೇಕ್ ಕತ್ತರಿಸಿ ಹುಟ್ಟು ಹಬ್ಬದ ಸಡಗರಕ್ಕೆ ಸಾಕ್ಷಿಯಾಯಿತು.

ಬಂದವರಿಗೆ ಸಿಹಿ ಹಂಚಿ ದಾಸೋಹ ವ್ಯವಸ್ಥೆ ಏರ್ಪಡಿಸಲಾಗಿತ್ತು.