ಆಶಾ ಕಾರ್ಯಕರ್ತೆಯರಿಗೆ ಸಹಾಯ ಧನದ ಚೆಕ್ ವಿತರಿಸಿ ಅಂಗನವಾಡಿ ಕಾರ್ಯಕರ್ತರನ್ನು ಸನ್ಮಾನಿಸಿದ ಅಧ್ಯಕ್ಷ ರಂಗಸ್ಬಾಮಿ

ಅರಕಲಗೂಡು: ತಾಲೂಕಿನ ಮಲ್ಲಿಪಟ್ಟಣ ಗ್ರಾಮ ಪಂಚಾಯಿತಿ ಆವರಣದಲ್ಲಿ ಭಾನುವಾರ 75ನೇ ಸ್ವಾತಂತ್ರ್ಯ ದಿನಾಚರಣೆ ಅಮೃತ ಮಹೋತ್ಸವವನ್ನು ಸಂಭ್ರಮದಿಂದ ಆಚರಿಸಲಾಯಿತು.

ಗ್ರಾಮ ಪಂಚಾಯಿತಿ ಅಧ್ಯಕ್ಷ ಎಂ.ಆರ್. ರಂಗಸ್ವಾಮಿ ಅವರು ಧ್ವಜಾರೋಹಣ ನೆರವೇರಿಸಿ ಮಾತನಾಡಿ, ಜಾತಿ, ಮತದ ತಾರತಮ್ಯವಿಲ್ಲದೆ ದೇಶದ ಅನೇಕ ಮಹನೀಯರ ತ್ಯಾಗ, ಬಲಿದಾನದಿಂದ ಸ್ವಾತಂತ್ರ್ಯ ಲಭಿಸಿದ ಎಪ್ಪತ್ತೈದು ವರ್ಷಗಳಲ್ಲಿ ನಾವು ಸಾಗುತ್ತಿದ್ದೆವೆ. ಎಲ್ಲ ಭಾರತೀಯರೂ ಹಿರಿಯ ಆದರ್ಶ ತತ್ವ ಗುಣಗಳನ್ನು ಪಾಲಿಸುವ ಮುಖೇನ ಪ್ರೀತಿ ವಿಶ್ವಾಸದಿಂದ  ವಿವಿಧತೆಯಲ್ಲಿ ಏಕತೆ ಕಾಪಾಡುವಂತಾಗಬೇಕು ಎಂದು ಸ್ಮರಿಸಿದರು.  

ಕರೊನಾ ಸೇನಾನಿಗಳಾದ ಮೂವರು ಆಶಾ ಕಾರ್ಯಕರ್ತರಿಗೆ ಗ್ರಾಪಂ ವತಿಯಿಂತ ತಲಾ ಎರಡು ಸಾವಿರ ರೂ ಚೆಕ್ ವಿತರಿಸಿ, ಅಂಗನವಾಡಿ ಕಾರ್ಯಕರ್ತೆ ಯರನ್ನು ಸನ್ಮಾನಿಸಿದರು.

ಗ್ರಾಪಂ ಉಪಾಧ್ಯಕ್ಷೆ ಜಯಲಕ್ಷ್ಮೀ, ಸದಸ್ಯರಾದ ಸುಮಿತ್ರಮ್ಮ, ಪೂಜಾ, ನಾಗರಾಜು, ಲಕ್ಷ್ಮಮ್ಮ, ತಿಮ್ಮಯ್ಯ, ಯಶೋಧಮ್ಮ, ಸಿಬ್ಬಂದಿ ಹಾಜರಿದ್ದರು.

                  ಸಂಪಾದಕ - ರವಿ