ಕಾರ್ಗಿಲ್ ಹುತಾತ್ಮ ಯೋಧ ಅಗ್ರಹಾರ ವೆಂಕಟ್ ಪ್ರತಿಮೆಗೆ ಎ. ಮಂಜು ಮಾಲಾರ್ಪಣೆ ನಮನ, ಸೇನೆ‌ ಸೇರಿ ದೇಶ ಸೇವೆ ಸಲ್ಲಿಸಲು ಕರೆ

ಅರಕಲಗೂಡು: ಕಾರ್ಗಿಲ್ ಯುದ್ಧದಲ್ಲಿ ಮಡಿದ ವೀರಯೋಧ ವೆಂಕಟ್ ದೇಶದ ಹೆಮ್ಮೆ ಪ್ರತೀಕ ಮಾತ್ರವಲ್ಲದೆ ನಮ್ಮೆಲ್ಲರ ಗೌರವದ ಸಂಕೇತವಾಗಿದ್ದಾರೆ ಎಂದು ಮಾಜಿ ಸಚಿವ ಎ. ಮಂಜು ಸ್ಮರಿಸಿದರು.

ಕಾರ್ಗಿಲ್ ವಿಜಯ ದಿವಸ್ ಪ್ರಯುಕ್ತ ಸೋಮವಾರ ತಾಲೂಕಿನ ಅಗ್ರಹಾರ ಗ್ರಾಮದಲ್ಲಿ ಹುತಾತ್ಮ ವೆಂಕಟ್ ಪ್ರತಿಮೆಗೆ ಮಾಲಾರ್ಪಣೆ ಮಾಡಿ ಮಾತನಾಡಿದ ಅವರು, ಅಟಲ್ ಬಿಹಾರಿ ವಾಜಪೇಯಿ ಅವರು ಪ್ರಧಾನಿಯಾಗಿದ್ದ ವೇಳೆ ಕಾರ್ಗಿಲ್ ಯುದ್ಧ ನಡೆದು ಇಂದಿಗೆ 22 ವರ್ಷಗಳು ಕಳೆದಿದೆ. ಯುದ್ಧದಲ್ಲಿ ನಮ್ಮ ತಾಲೂಕಿನ ವೆಂಕಟ್ ಭಾಗಿಯಾಗಿ ಜಯದ ಹೋರಾಟ ನಡೆಸಿರುವುದು ರಾಷ್ಟçದ ವಿಜಯದ ಸಂಕೇತ ಎನಿಸಿದೆ, ರಾಷ್ಟç ರಕ್ಷಣೆ ವಿಚಾರದಲ್ಲಿ ವೆಂಕಟ್ ಅವರಂತಹ ವೀರ ಯೋಧರ ಸಂಖ್ಯೆ ಮತ್ತಷ್ಟು ಹೆಚ್ಚಳವಾಗಬೇಕು ಎಂದರು.

ತಾಲೂಕಿನ ಪ್ರಮುಖ ವೃತ್ತದಲ್ಲಿ ಹುತಾತ್ಮ ಯೋಧ ವೆಂಕಟ್ ಅವರ ಪ್ರತಿಮೆ ಸ್ಥಾಪಿಸಿ ಗೌರವ ಸಲ್ಲಿಸಬೇಕು ಎಂದು ಗ್ರಾಮಸ್ಥರು ಮತ್ತು ಕುಟುಂಬದ ಸದಸ್ಯರು ಎ. ಮಂಜು ಅವರಲ್ಲಿ ಮನವಿ ಮಾಡಿದರು.

                            ಸಂಪಾದಕ - ರವಿ