ಮಲ್ಲಿಪಟ್ಟಣ; ಶ್ರೀರಾಮ ಮಂದಿರ ಪುನರ್ ನಿರ್ಮಾಣ ಕಾಮಗಾರಿಗೆ ಸುರೇಶ್ ಸಿಂಗನಕುಪ್ಪೆ ನೇತೃತ್ವದಲ್ಲಿ ಪೂಜೆ

ಅರಕಲಗೂಡು:  ಅರೆಮಲೆನಾಡು ಪ್ರದೇಶವಾದ ತಾಲೂಕಿನ ಮಲ್ಲಿಪಟ್ಟಣ ಗ್ರಾಮದ ಶ್ರೀ ಉಳುಮೇಶ್ವರ ಬೀದಿಯಲ್ಲಿ ಕಳೆದ ಹಲವಾರು ವರ್ಷಗಳಿಂದ ನೆನೆಗುದಿಗೆ ಬಿದ್ದಿದ್ದ ಶ್ರೀರಾಮ ಮತ್ತು ಶನೇಶ್ಚರ ಮಂದಿರ ಪುನಃ ನಿರ್ಮಾಣ ಕಾಮಗಾರಿಗೆ ಇಂದು ತಾಲೂಕು ಜೆಡಿಎಸ್ ಮುಖಂಡರು ಹಾಗೂ ಉದ್ಯಮಿಗಳಾದ ಸಿಂಗನಕುಪ್ಪೆ ಸುರೇಶ ನೇತೃತ್ವದಲ್ಲಿ ಪೂಜೆ ನೆರವೇರಿಸಲಾಯಿತು.

 ಈ ಸಂದರ್ಭದಲ್ಲಿ ಮಾತನಾಡಿದ ಸಿಂಗನಕುಪ್ಪೆ ಸುರೇಶ್, ಗ್ರಾಮಸ್ಥರ ಅಪೇಕ್ಷೆಯಂತೆ ಇಲ್ಲಿ ರಾಮಮಂದಿನ ನಿರ್ಮಾಣ ಮಾಡಲು ನನ್ನಿಂದ ಅಗತ್ಯ ನೆರವನ್ನು ನೀಡಲಾಗುವುದು ಎಂದು ಭರವಸೆ ನೀಡಿ, ತಕ್ಷಣವೇ ಈ ಕಟ್ಟಡ ಪೂರ್ಣಗೊಳಿಸಲು ಅಗತ್ಯವಿರುವ ಸರಕು ಸಾಮಗ್ರಿಗಳ ಬಗ್ಗೆ ಮಾಹಿತಿ ನೀಡುವಂತೆ ಸ್ಥಳದಲ್ಲಿದ್ದವರಿಗೆ ಸೂಚಿಸಿದರು.

ಈ ಸಂದರ್ಭದಲ್ಲಿ ಗ್ರಾಮಸ್ಥರಾದ ಮಂಜುನಾಥ್, ವೀರಭದ್ರ ಶೆಟ್ಟಿ, ಜಗದೀಶ್, ಗಜಲಕ್ಷ್ಮಿ ಮಂಜುಳಾ, ವೆಂಕಟೇಶ್, ರಾಘವೇಂದ್ರ, ರವಿಕುಮಾರ್, ವೆಂಕಟೇಶ್ ವಿಜಯ್ ಕುಮಾರ್,ಕರುಣಾಕರ, ದೀಪಕ್, ದಿಲೀಪ್,ಯಶವಂತ್,ಆಕಾಶ್,ಗಿರೀಶ್ ಆಚಾರ್, ಗಮನ್, ನಂಜೀಪಿ, ಸದಾಶಿವಆಚಾರ್, ಪುರೋಹಿತರಾದ ಮಂಜುನಾಥ್ ಸೇರಿದಂತೆ ಗ್ರಾಮದ ಹಲವು ಯುವಕರು ಹಾಗೂ ಇತರರು ಹಾಜರಿದ್ದರು.