ಆಹಾರ ಕಿಟ್ ಗಳನ್ನು ವಿತರಿಸಿದ ಕಾಂಗ್ರೆಸ್ ಮುಖಂಡ ಡಾ. ದಿನೇಶ್ ಭೈರೇಗೌಡ

ಅರಕಲಗೂಡು: ಸಮಾಜಕ್ಕೆ ಪೌರ ಕಾರ್ಮಿಕರ ಸೇವೆ ಅತ್ಯಂತ ಉಪಯುಕ್ತವಾಗಿದ್ದು ಇವರ  ಕುರಿತು ಕಾಳಜಿ ವಹಿಸಿವುದು ಅಗತ್ಯವಾಗಿದೆ ಎಂದು ಹಾಸನದ ಮಣಿ ಆಸ್ಪತ್ರೆಯ ಮಕ್ಕಳ ತಜ್ಞ ಡಾ ದಿನೇಶ್ ‌ಬೈರೇಗೌಡ ತಿಳಿಸಿದರು. 

ಪಟ್ಟಣದ ಪೌರ ಕಾರ್ಮಿಕರ  ಬಡಾವಣೆಯಲ್ಲಿ  ಬುಧವಾರ ದಿನಸಿ ಕಿಟ್ ಗಳನ್ನು ವಿತರಿಸಿದ  ಅವರು, ಕೋವಿಡ್  ಸಂಕಷ್ಟದಲ್ಲಿ  ಆರೋಗ್ಯ ರಕ್ಷಣೆಗೆ  ಕೈಗೊಳ್ಳಬೇಕಾದ ಮುನ್ನೆಚ್ಚರಿಕೆ ಕ್ರಮಗಳ ಕುರಿತು ಮಾಹಿತಿ ನೀಡಿ ಅರಿವು ಮೂಡಿಸಿದರು. 

ಪ್ರತಿಯೊಬ್ಬರೂ ವ್ಯಾಕ್ಸಿನ್ ಪಡೆದುಕೊಳ್ಳಬೇಕು, ಮಾಸ್ಕ್ ಧರಿಸುವುದು ಅಂತರ ಕಾಯ್ದು ಕೊಳ್ಳುವುದು ಮುಂತಾದ ಮುನ್ನೆಚರಿಕೆ ಕ್ರಮಗಳ ಪಾಲನೆ ಸಂಗಡ ಪೌಷ್ಠಿಕ  ಆಹಾರ ಸೇವನೆ ಮಾಡುವಂತೆ ಸಲಹೆ ಮಾಡಿದರು. 

ತಾಲ್ಲೂಕು ಕಾಂಗ್ರೆಸ್  ಅಧ್ಯಕ್ಷ  ಎಸ್.ಎಸ್. ಪ್ರಸನ್ನಕುಮಾರ್ ಮಾತನಾಡಿ, ಕೋವಿಡ್ ಸಂಕಷ್ಟದ ಸಮಯದಲ್ಲಿ  ಸಮಾಜದ ವಿವಿಧ ವರ್ಗಗಳ ಜನರಿಗೆ ಡಾ ದಿನೇಶ್ ಅವರು ನೀಡುತ್ತಿರುವ ಸಹಾಯ ಅತ್ಯಂತ  ಶ್ಲಾಘನೀಯ ಕಾರ್ಯವಾಗಿದೆ. ಸಮಾಜದ ಸ್ವಚ್ಚತೆ ಕಾಪಾಡುತ್ತಿರುವ ಪೌರ ಕಾರ್ಮಿಕರಿಗೂ ವಿಶೇಷ ಪ್ಯಾಕೇಜ್ ಘೋಷಿಸಿ ಸರ್ಕಾರ ಅವರ ನೆರವಿಗೆ ನಿಲ್ಲಬೇಕು ಎಂದು ಆಗ್ರಹಿಸಿದರು. 

ಪಟ್ಟಣ ಪಂಚಾಯಿತಿ ಸದಸ್ಯ  ಅನಿಕೇತನ್, ಮುಖಂಡ ರಫೀಕ್ ಇದ್ದರು.

                        ಸಂಪಾದಕ - ರವಿ