ಮಳೆ ಹೊಡೆತಕ್ಕೆ ೧೮ ಮನೆಗಳ ಗೋಡೆ ಕುಸಿತ

ಅರಕಲಗೂಡು: ತಾಲೂಕಿನಲ್ಲಿ ನಿರಂತರ ಬೀಳುತ್ತಿರುವ ಮಳೆ ಕಾರಣ ಹಲವು ಮನೆಗಳ ಗೋಡೆ ಭಾಗಶಃ ಕುಸಿದು ಹಾನಿಗೀಡಾಗಿವೆ. 

ಭಾರಿ ಮಳೆಗೆ ಗುರುವಾರ ೧೫ ಮನೆ ಹಾಗೂ ಶುಕ್ರವಾರ ೩ ಮನೆಯ ಗೋಡೆ ಕುಸಿದಿವೆ. ಕಸಬಾ ಹೋಬಳಿಯ ಬಸವನಹಳ್ಳಿ ಗ್ರಾಮದ ಪಾರ್ವತಮ್ಮ, ಸಣ್ಣಮ್ಮ ಹಾಗೂ ಕಲ್ಲುಬ್ಯಾಡರಹಳ್ಳಿ ಗ್ರಾಮದಲ್ಲಿ ದ್ಯಾವಪ್ಪಗೌಡ, ಮಲ್ಲಿಪಟ್ಟಣ ಹೋಬಳಿಯ ಮಣಜೂರು ಗ್ರಾಮದ ದಾಕ್ಷಾಯಿಣಿ, ಹೆಗ್ಗಡಿಹಳ್ಳಿ ಗ್ರಾಮದ ಗೋಪಾಲಶೆಟ್ಟಿ ಹಾಗೂ ಮಾಗಲು ಗ್ರಾಮದಲ್ಲಿ ಒಂದು ಮನೆಯ ಗೋಡೆ ಕುಸಿದಿದೆ. ದೊಡ್ಡಮಗ್ಗೆ ಹೋಬಳಿ ಕಾರಹಳ್ಳಿ ಗ್ರಾಮದ ಮೂರ್ತಿ, ಪಿ.ಚಾಕೇನಹಳ್ಳಿ ಗ್ರಾಮದ ಲಕ್ಷ್ಮಮ್ಮ, ಕೊಣನೂರು ಹೋಬಳಿಯ ಕಂಠೇನಹಳ್ಳಿ ಗ್ರಾಮ ಕಲಾವತಿ, ತರಿಗಳಲೆ ಗ್ರಾಮದ ಸುಕನ್ಯ,ಪುಟ್ಟಮ್ಮ, ಹೊನ್ನಗಾನಹಳ್ಳಿ ಗ್ರಾಮದ ಶಿವಮ್ಮ ಎಂಬುವವರ ಮನೆಗಳ ಗೋಡೆ ಭಾಗಶಃ ಕುಸಿದು ಹಾನಿ ಸಂಭವಿಸಿದೆ.

ರಾನಾಥಪುರ ಹೋಬಳಿಯಲ್ಲಿ ೫ ಮನೆಗಳ ಗೋಡೆ ಕುಸಿದಿದೆ. ಹಾನಿ ಸಂಭವಿಸಿರುವ ಪ್ರದೇಶಗಳಿಗೆ ಕಂದಾಯ ಇಲಾಖೆ ಅಧಿಕಾರಿಗಳು ಭೇಟಿ ನೀಡಿ ಪರಿಶೀಲನೆ ನಡೆಸಿದರು. ಈ ಕುರಿತು ಅಗತ್ಯ ಕ್ರಮ ಕೈಗೊಳ್ಳಲಾಗುವುದು ಎಂದು ಉಪ ತಹಸೀಲ್ದಾರ್ ಸಿ. ಸ್ವಾಮಿ ತಿಳಿಸಿದರು.

                    ಸಂಪಾದಕ - ರವಿ